УЛСЫН БҮРТГЭЛИЙН ЕРӨНХИЙ ГАЗРЫН ХАРЬЯА СЭЛЭНГЭ
АЙМАГ ДАХЬ УЛСЫН БҮРТГЭЛИЙН ХЭЛТСИЙН 2024 ОНЫ
ҮЙЛ АЖИЛЛАГААНЫ ТАЙЛАН
2024 оны 11 дүгээр сарын 25-ний өдөр Сүхбаатар сум.
Тус хэлтэс нь Улсын бүртгэлийн байгууллагын бодлогын шинэчлэлийн хүрээнд хүрээнд Монгол улсын урт хугацааны хөгжлийн бодлого "Алсын хараа-2050", Монгол улсыг 2021-2025 онд хөгжүүлэх 5 жилийн үндсэн чиглэл, Засгийн газрын 2021-2024 оны үйл ажиллагааны хөтөлбөр, ХЗДХЯ-ны сайдын эрхлэх асуудлын хүрээний агентлагуудын 2021-2024 оны үйл ажиллагааны стратеги төлөвлөгөө, Улсын бүртгэлийн ерөнхий газрын 2021-2024 оны үйл ажиллагааны стратеги төлөвлөгөөний дагуу хэлтсийн үйл ажиллагааны 2024 оны гүйцэтгэлийн төлөвлөгөөнд 2 зорилгод тусгагдсан 9 зорилт, 35 арга хэмжээний биелэлтийг ханган ажиллав.
Нэг. ОНЦЛОХ АЖИЛ ҮЙЛЧИЛГЭЭ, ҮЙЛ АЖИЛЛАГАА:
1.1. Сэлэнгэ аймгийн Иргэдийн Төлөөлөгчдийн хурлын 2024 оны 09 дүгээр сарын 23-ны өдрийн “Сэлэнгэ аймгийн тодотгосон төсөв батлах тухай” 180 дугаар тогтоол, аймгийн Засаг даргатай хамтран ажиллах гэрээнд тусгагдсаны дагуу Нутгийн захиргааны 3 дугаар байранд байрлаж буй хэлтсийн байранд 2,3 дугаар давхрын шалны болон санхүүгийн өрөөний засварт 15,000,000 сая төгрөгийг шийдвэрлүүлэн засварын ажлыг хийж гүйцэтгэв.
1.2. Сэлэнгэ аймгийн Засаг даргатай “Хамтран ажиллах” гэрээний заалтын дагуу, сумдын Засаг даргийн нарын нөөц хөрөнгөөс гэрэлтүүлгийн тоног төхөөрөмж худалдан авах 12,441,000 төгрөгийн санхүүжилтийг шийдвэрлүүлэн Мандал, Баянгол, Ерөө, Хүдэр Баруунбүрэн, Сант, Орхон, Хушаат, Зүүнбүрэн, Цагааннуур, Түшиг сум, Шаамар сум, Ерөө сумын Бугант, Орхонтуул сумын Рашаант, Мандал сумын Түнхэл, Шаамар сумын Дулаанхаан тосгодод гадаад паспортын бүртгэлийн эрхийг нээж нийт 16 нэгжид гадаад паспортын үйлчилгээг нэвтрүүллээ.
1.3. ОХУ-той хил залгаа орших сумдын иргэдэд үйлчилгээг ойртуулан шинээр Түшиг, Цагааннуур, Хүдэр, Ерөө сумдад Монгол улс-Оросын Холбооны Улсын хилийг цааш нааш нэг удаа нэвтрэх эрхийн үнэмлэх, гадаад зорчих эрхийн нээн 21137 үнэмлэх олгож, улсын төсөвт 63.411.000 төгрөгийг үйлчилгээний хураамж төвлөрүүлэн нь иргэдийн талархлыг хүлээсэн ажил боллоо.
1.4. Сумдын газар зүйн байршил, хүн амын тоо, эд хөрөнгийн бүртгэлийн хэрэгцээ шаардлагыг үндэслэн Улсын бүртгэлийн Ерөнхий газрын даргын 2024 оны 05 дугаар сарын 15-ний өдрийн Б/298 тоот тушаалаар Мандал, Сайхан, Хушаат, Жавхлант, Хүдэр, Түшиг сумдын улсын бүртгэгч нарт хуулийн этгээдийн бүртгэл хөтлөх эрх олгож, Баянгол, Сант, Мандал сумын Түнхэл тосгон, Ерөө сумын Бугант тосгоны улсын бүртгэгч нарт эд хөрөнгийн эрхийн улсын бүртгэл хөтлөх эрх олгох зорилгоор хэлтсийн даргын баталсан удирдамжийн дагуу улсын бүртгэгч А.Мөнхзаяа, улсын бүртгэгч Д.Баасансүрэн нарыг ажлын байрны дадлагыг хийж, хүний нөөцийн мэдээллийн санд байршсан эд хөрөнгийн бүртгэлийн чиглэлээр бэлтгэгдсэн тестийн шалгалтыг авч дүнг нэгтгэн хэлтсийн даргын зөвлөлд танилцуулан дээрхи сумдын улсын бүртгэгч нарт эд хөрөнгийн эрх олгуулахаар Улсын бүртгэлийн Ерөнхийн газарт албан бичгийг хүргүүллээ. 2024 оны 11 сарын 25 ний байдлаар Сэлэнгэ аймгийн 12 сумдад хуулийн этгээд,эд хөрөнгийн эрхийн бүртгэлийг үзүүлэн ажиллаж байна.
1.5.Бүртгэлийн лавлагаа мэдээллийн 24/7 үйлчилгээний “Дөт” киоск үйлчилгээг нээн ажиллуулж иргэний үнэмлэх дахин захиалсан 11, иргэний үнэмлэхний лавлагаа 178, төрөлтийн лавлагаа 1, оршин суугаа хаягын лавлагаа 9, гэрлэсний бүртгэлгүй лавлагаа 2, хуулийн этгээд бүртгэлгүй лавлагаа 8, хуулийн этгээд бүртгэлтэй эсэх лавлагаа 2, эд хөрөнгийн лавлагаа 19, эд хөрөнгөтэй эсэх лавлагаа 2 тус тус авсан байна. Е монголиа-аар 27 иргэний гадаад паспорт захиалсныг хүлээн авч иргэнд олгожээ.
1.6. Иргэдэд тоон гарын үсэг олгох, тоон гарын үсгийн хэрэглээг нэмэгдүүлэх сурталчилан аймгийн хэмжээнд хамрагдвал зохих 73,802 иргэнээс 35,020 иргэн буюу 47.4 %-д тоон гарын үсэг олгоод байна.
1.7. Иргэний бүртгэлийн архивын байнгын болон түр хадгаламжийн нэгжийг тоолж бүртгэлжүүлэх ажлыг хийж, нийт 2096 байнгын хадгаламжийн нэгжийн данс бүртгэлийг хөтөлж, 277 хадгаламжийн нэгжийн товьёог болон сэлбэн засалтыг хийж дуусгалаа.
