Улсын бүртгэлийн ерөнхий газраас эд хөрөнгийн эрхийн улсын бүртгэлийн үйлчилгээг цахимжуулах, иргэдэд үзүүлэх үйлчилгээний чанар, хүртээмжийг нэмэгдүүлэх, бүртгэлийн үйл ажиллагааг илүү шуурхай, боловсронгуй болгох зорилгоор эд хөрөнгийн эрхийн улсын бүртгэлийн шинэчилсэн “E-PROPERTY” системийг хөгжүүлэн нэвтрүүлж байна.
Шинэчилсэн системийн хөгжүүлэлт, туршилтын ажлыг 2026 оны 07 дугаар сарын 06-ны өдрөөс Баянзүрх дүүргийн Улсын бүртгэлийн хэлтэст үе шаттайгаар хэрэгжүүлж, бүртгэлийн өдөр тутмын үйл ажиллагаанд туршиж, санал зөвлөмжид үндэслэн сайжруулсан. Ийнхүү системийн туршилт, бэлтгэл ажлыг амжилттай хангаж, 2026 оны 08 дугаар сарын 27-ны өдрөөс буюу өнөөдрөөс эхлэн “E-PROPERTY” шинэчилсэн системийг Баянзүрх дүүрэгт нэвтрүүллээ.
